Binoe, suportado ang pagbubuntis ni Kylie; Aljur, naghimutok sa announcement ng engagement

FINALLY umamin na sina Aljur Abrenica at Kylie Padilla sa pagbubuntis ng aktres. Nagpaplano na rin silang magpakasal. Pero may himutok si Aljur dahil pinangunahan daw sila ng management ni Kylie sa announcement na engaged na sila.

Pero magsasalita rin kaya agad si Aljur at lilinawin ang kalagayan ni Kylie kung hindi nag-post ang Vidanes Celebrity Marketing?

Dahil nasa tamang edad na rin si Kylie, isa lang daw ang payo ng kanyang ina na si Liezl Sicangco nang ipagtapat nitong buntis siya. Basta ‘wag daw ipalaglag ang bata.

Maayos din daw ang pag-uusap nilang mag-ama (Robin Padilla).

Nagsimula raw sa pag-aasawa ang usapan nila dahil may nagparating na kay Binoe na engaged na ito. “Anak, alagaan mo ‘yan,” ang reaksiyon daw ni Robin noong malamang magkakaapo na siya.

Sey pa niya kung handa na talaga si Kylie na mag-asawa, nandiyan lang siya kahit balitang hindi pa sila nagkakausap ni Aljur.

Tsuk!

TALBOG – Roldan Castro