Anak ni Miho, daddy na ang tawag kay Tommy

AYON kay Miho Nishida, isang taon na raw tumatakbo ang relasyon nila ni Tommy Esguerra. At sa loob daw ng isang taon, maraming bagay silang natutuhan ni Tommy na nagpatibay sa kanilang pagmamahalan.

Nakilala na rin daw ni Tommy ang kanyang mommy at ang anak na si Aimi mula sa dating nakarelasyon. Si Tommy na raw ang lalaking mamahalin at gustong makasama ni Miho habambuhay.

“Ayaw ko na rin siyempre yung papalit-palit ng boyfriend, tama na. Ayoko na rin ng ganuoon, kaya sana, siya na,”sabi ni Miho. Showing na ngayon ang pelikula mula sa Regal Entertainment.

Nakikita raw ni Miho na kung sakaling sila na nga ang magkatuluyan ni Tommy ay magiging mabuti itong step dad ni Aimi.

“Kasi nga, super-mature siyang mag-isip. Kahit sabihin mo sa kanya na a little piece, ang dating sa kanya, sobrang malalim.”

Ayon pa kay Miho, masaya naman ang kanyang anak sa kanilang relasyon.

“Kapag nakikita niya si Tommy, ang tawag niya, ‘Daddy Tommy.’ Ganoon siya. Ako naman, parang, ‘Totoo ba?’ So, parang sa akin, may kaunting kaba, kasi okay lang ba sa kanya na maging tatay siya? Siyempre, ‘yun din ang iniisip ko, na sana okay din lang sa kanya kasi sa akin, okay.”

Ayon naman kay Tommy, okey lang daw sa kanya na tawagin siyang daddy ni Aimi. Pero iniiwasan daw niyang lumampas sa tamang lugar para hindi nito isipin na siya ang tunay na ama nito.

MA at PA – Rommel Placente