Ama ni young actor, gustong ilipat ang anak sa ibang network

PLANO pala ng ama ng isang young actor mula sa GMA7 na ilipat na ang kanyang anak sa ABS-CBN 2. Ang katwiran niya, madalang daw kasing bigyan ng project ang kanyang anak. Hindi raw gaya ng ibang talent ng Siete na laging nabibigyan ng project. At kung mabigyan man daw ang kanyang anak, hindi pa ganoon kaganda ang role at one of those lang daw.

Ang problema lang ng ama ng youg actor, nakakontrata pa raw sa GMA  ang kanyang anak hanggang this year. Kaya gustuhin man daw niyang ilipat na sa Kapamilya Network ang anak ay hindi niya magagawa.

‘Pag nag-lapse na raw ang kontrata ni young actor, doon na raw niya talaga dadalhin sa kalabang network anak. Pero hindi raw niya alam kung sino ang kakausapin sa ABS-CBN 2.  Magpapatulong na lang daw siya sa may kilalang contact sa Dos. (Rommel Placente)