Meat nagkalat

DAPAT maging alerto ang National Meat Authority sa pagkalat ng mga frozen meat sa mga pamilihang bayan sa kalakhang Maynila, gaya sa Pasay City Public Market.

Kabi-kabila ang nagtitinda nito at siguro dapat din maging alerto ang City Health Officer ng bawat lungsod, hindi man agad makaapekto sa kalusugan ng tao na makakakain ng frozen meat, may pangamba na ang bakteryang nakakapit dito ay unti-unting kumalat sa katawan ng tao.

At sa takdang oras ay malalaman na ang dahilan ng isang malubhang sakit ay sanhi ng pagkain ng frozen meat.

***

Kamakailan ay nasabat ang napakaraming kilo ng frozen meat sa Barangay Bio, Tagudin, Ilocos Sur. Ang nasabing karne ay mula sa bayan ng Imus, Cavite na ide-deliver sana sa malalaking supermart at groceries sa Vigan at Laoag City, at walang National Inspection Cerificate ang nasabing karne. May certificate man ay hindi tama ang dami ng karne na dapat ikarga sa trak, bagkus ay lampas sa inaprubahang bilang o kilo ng karne na kadalasan ay may halong imported meat.

***

Kaya mga ‘igan delikadong kainin ang mga imported frozen meat dahil hindi natin alam ang kalidad nito! Kung gusto mo pang mabuhay nang matagal!

SINGIL SA ELEKTRISIDAD
MAGTATAAS

Kung tuloy-tuloy ang pagtaas ng krudo at langis, nagbabanta na naman tumaas ang elektrisidad sa buwan ng Marso bunsod umano ng isasagawang shutdown sa Malampaya Power Plant na isasailalim sa maintenance.

Sabi ng Meralco, isasailalim sa masusing validation kung magkano ang talagang idadagdag nilang singil sa elektrisidad. Sa buwan ng Pebrero ay makakaranas na ng manipis na reserba ng koryente bunsod ng Malampaya shutdown. Nauna nang ipinahayag ng Department of Energy na posibleng magtaas sa yellow alert sa 13-17 Pebrero 2017, dahil magiging manipis na ang reserba ng koryente, kaya paalala ng Meralco, panatilihin ang pagtitipid sa paggamit ng koryente!

***

Gasolina tumaas, koryente naman ngayon, mukhang ayaw na talaga paawat sa paghihirap ang ating bansa, kahit sino pang Pangulo ang maupo!

ISUMBONG MO KAY DRAGON LADY – Amor Virata