HATAW! D'yaryo ng Bayan hatawtabloid.com
FEELING ni Keempee De Leon ay tinabla raw siya ng Eat Bulaga. Hanggang ngayon ay hindi raw niya alam ang dahilan kung bakit hindi –pa siya nakababalik sa noontime show. Nagpaalam naman daw siya ng maayos noong gawin niya ang seryeng Little Nanay at pinayagan naman siya na babalik pagkatapos ng serye.
Mabuti na lang at may bago raw siyang pinagkakakitaan. Ito’ y ang seryeng Meant To Be ng GMA 7.
Hindi raw siya nadiretso kung ano ang dahilan kaya ang feeling niya iniwan siya sa ere. Nagtatanongdin daw siya kung ano ang nangyari at nananatiling palaisipan sa kanya.
Tinanong daw niya ang kanyang amang si Joey De Leon pero wala ring maisagot. Parang umiiwas daw siya na pag-usapan. Umabot daw siya sa puntong sumulat sa management ng TAPE pero wala rin umano siyang nakuhang feedback.
Bukas ang panig ng pamunuan ng Eat Bulaga sa pagsisiwalat ng sitwasyon ni Keempee. Aminado ang aktor na na-depress siya sa nangyari. Halos isang taon din siyang napraning sa kaiisip kung may nagawa raw siyang mali.
May na-hurt ba siya na kasamahan niya roon? Nananatiling misteryo kay Kempee ang lahat.
Pak!
TALBOG – Roldan Castro
