Luis, nagbirong maghuhubad din nang mapanood ang lovescene nina Enchong at Jessy

KUWENTO ni Enchong Dee pagkatapos ng premiere night ng Mano Po 7: Chinoy, nagbiro raw si Luis Manzano habang pinanonood ang love scene nila ni Jessy.

“Nakatatawa nga kasi magkasunod ‘yung pagtanggal namin ng damit ni Jessy (sa MP7) Tapos narinig ko siya (Luis), ‘magtanggal na rin kaya ako ng damit.”  Alam naman ni Luis ‘yung trabaho namin, so. . .at saka artista rin si Luis, alam niya rin ‘yun,” bulalas ni Enchong.

Nailang ba siya?

”Hindi. I’m actually proud doon sa ginawa ko, kasi alam niya na may respeto ‘yung paghawak ko kay Jessy, ‘di ba?,” pakli ng aktor.

Maganda ang feedback sa akting ni Enchong sa pelikula.

Pumasok ba sa isip niya na pwede siyang maging Best Actor kung pumasok ito sa Metro Manila Film Festival.

”Oo naman, naisip ko rin naman ‘yun, pero kasi, tapos na, eh. Kbaga, ang pwede na lang naming gawin is respetuhin ‘yung pagbabago na ibinigay ng Metro Manila Filmfest committee. Next year, subukan ulit natin kung mabibigyan ng pagkakataon, ‘di ba?

”Pero sa ngayon. . .katulad nga, like kayo, napanood ninyo, at least, nakatatak sa inyo kung anuman ‘yung klase ng role na ginampanan namin.”

Nanghinayang ba siya?

“May panghihinayang, oo. Pero sabi ko nga, siguro,  after ng tatlong araw, nag-move-on na rin ako,” deklara pa niya.

TALBOG – Roldan Castro