FPJ’s Ang Probinsyano, walang kupas sa pagiging no. 1

WAGING-WAGI pa rin sa mas maraming kabahayan sa buong bansa ang mga programa ng ABS-CBN dahil sa nakuha nitong national average audience share na 44% sa buwan ng November, base sa datos ng Kantar Media.

Samantala, walo naman sa 10 pinakapinanonood na programa sa bansa ay mula sa ABS-CBN, sa pangunguna pa rin ng FPJ’s Ang Probinsyano na nagtala ng national TV rating na 35.4%. Pumangalawa naman dito ang TV Patrol sa national TV rating na 32.2%.

Kasama rin sa top 10 programs noong Nobyembre ang Wansapanataym (28.7%), Pinoy Boyband Superstar (27.3%),  Home Sweetie Home (26.6%), Goin’ Bulilit (25.9%),  Magpahanggang Wakas (24.5%), at TV Patrol Weekend (24.3%).

Kagaya sa nakaraang mga buwan, It’s Showtime rin ang piniling panoorin ng mas maraming Filipino sa tanghali. Nakakuha ito ng national TV rating na 17.6% sa weekdays at 19.5% sa Sabado.

Nananatili namang top-rater ang legal drama na Ipaglaban Mo tuwing weekend sa national TV rating nitong 19.3%.

Agad namang sinubaybayan ang morning series na Langit Lupa, na inilunsad din noong Nobyembre. Nagtamo ito ng 17.7%.

Bukod pa sa TV, inabangan din ng mga Filipino ang mga programa ng ABS-CBN sa video-on-demand service nitong iWant TV. Noong Oktubre, pinakatinutukan sa iWant TV ang Pinoy Big Brother Lucky Season 7, FPJ’s Ang Probinsyano, Till I Met You,  The Greatest Love, Doble Kara, at Magpahanggang Wakas.

TALBOG – Roldan Castro