HATAW! D'yaryo ng Bayan hatawtabloid.com
HAVEY ang bagong alaga ng kaibigang Throy Catan na si Tori Garcia na ang unang exposure ay sa Wowowin. Dahil dito napansin na siya ng mga producer at director. Katatapos lang gawin ni Tori ang pelikulang Kamandag ng Droga ni Direk Carlo J. Caparas.
“I’m happy and blessed po at siyempre andoon po ‘yung malaking kaba kasi po ang nakasama ko ay ang nirerespeto at mahusay na director gaya ni Direk Carlo. Sobrang lucky po ako kasi napasama po ako sa isang malaki at power cast na pelikula,” deklara niya.
Gaganap siyang girlfriend ni Nino Muhlach sa movie na napasok sa malaking sindikato ng drugs. Naloka raw si Onin dahil matangkad ang leading lady niya sa movie.
Kumusta naman si Nino na katrabaho?
“Mabait po at gentleman naman,” sambit niya sabay tawa.
Ratsada na si Tori dahil kasama rin siya sa Cinemalaya 2017 entry na Ang Gurong di Marunong Magbasa na pagbibidahan ng actor-politician na si Alfred Vargas.
Nagkaroon siya ng birthday post concert kagabi sa Music Box, Timog entitled Lets Celebrate: December Fever! with frontliner Erika Mae Salas, Pauline Cueto, Sarah Ortega, Lara Lisondra. Special guests naman sina Martin Escudero (award winning actor), L.A Santos (Star Music artist), Mavi Lozano (Spogify grand winner—Eat Bulaga). Together with Rina Sy. Produced by TJC Entertainment Productions and TEAM (The Entertainment Arts & Media).
TALBOG – Roldan Castro
