Botika ng bayan ibabalik ni Duterte (Pondo sa PGH, NKTI, PCH ibabalik)

ISINUSULONG ni Pangulong Rodrigo Duterte ang libreng gamot para sa maralitang Filipino.

Sa press briefing sa Malacañang, sinabi ni Arnel Ignacio, pinuno ng PAGCOR Community Relations and Services Department, nais ng Pangulo na gamitin ang na-i-turn-over na P5 bilyon kita ng PAGCOR sa pagbuhay ng botika ng bayan para sa libreng gamot sa mahihirap.

Ang ini-remit na P5 bilyon ng PAGCOR ay nasa ilalim ng Social Fund ng Presidente.

Ang Botika ng Bayan ay nauna nang ipinatupad sa ilalim ni dating Pangulong Gloria Arroyo.

Ayon kay Ignacio, gusto ni Pangulong Duterte na maibibigay ang gamot mula sa reseta na hawak ng mahihirap na Filipino.

“When we turned over the five billion, his original plan is for the resurrection of the Botika ng Bayan. Kasi ang gusto ni Presidente kapag — ang pasyente ay binigyan ng reseta ito ay mabili nang libre. So, we may be… We may be doing the same project of GMA before. So ikakalat ito all over the Philippines — ‘yang Botika ng Bayan,” ani Ignacio.

Pinaghahandaan na rin ng PAGCOR ang paglalaan ng pondo sa ilang pampublikong ospital katulad ng Philippine General Hospital  (PGH), National Kidney and Transplant Institute (NKTI) at Phil. Heart Center.

(ROSE NOVENARIO)