HATAW! D'yaryo ng Bayan hatawtabloid.com
NAKIRAMAY pala si Patrick Garcia at dumating sa burol ng tumatayong ina ni Jennylyn Mercado na si Mommy Lydia.
Nagpunta raw sila ng misis niyang si Nikka Martinez. Si Mommy Lydia ang isa sa mga nag-alaga kay Jazz, anak nina Patrick at Jen.
“My wife and I went there. It’s unfortunate, I know how much Tita Lydia loves Jazz. Siya ‘yung nag-aalaga roon kasi ‘pag wala si Jen. It’s a big loss, siyempre sayang. But, you know, that’s how life is and we have to deal with it. Tulong-tulong na lang kami,” sambit ni Patrick sa presscon ng daytime drama series ng ABS-CBN na Langit Lupa na nagsimula na kahapon, Lunes.
Right now, maituturing ni Patrick na okey na ang relasyon nila ng Ultimate Star.
“I would like to think na okay na okay kami. Wala naman kaming problema, we communicate,” bulalas pa niya.
Free na raw siyang nakadadalaw kay Jazz pero hindi nga lang niya ito nailalabas gaya ng dati. Ang sey daw ni Jennylyn sa kanya, kung gusto niyang makita ang kanilang anak ay pumunta na lang siya sa bahay nito.
“Siguro roon, control niya ang environment sa bahay niya. She’s being a mom to Jazz, siguro ‘yun ang gusto niya, sumusunod lang ako. Rati kasi nahihiram ko, rati natutulog pa sa bahay ko ‘yan,” bulalas pa niya.
Anyway, kasama ni Patrick sa Langit Lupa ang dalawang child stars na sina Yesha Camile at Xia Vigor. Nandiyan din sina Yam Concepcion, Alessandra De Rossi, Jason Abalos, Ellen Adarna, Tommy Esguerra, Miho Nishida, Jairus Aquino, Sharlene San Pedro, Buboy Garovillo, Viveika Ravanes, at Kitkat. Ito ay sa direksiyon nina Carlo Po Artillaga at Myla Ajero-Gaite, kasama si Mel Del Rosario bilang creative manager, sa ilalim ng business unit na pinamumunuan ni Ruel Bayani.
TALBOG – Roldan Castro
