Jameson Blake, kinabog ang matagal ng mga aktor

BONGGA si Jameson Blake, huh! Unang pelikula pa lang kasi niya ang 2 Cool 2 Be Forgotten na naging entry sa Cinema One Original Festival 2016 pero tumanggap na agad siya ng acting award dahil sa mahusay na pagkakaganap niya. Siya ang itinanghal na Best Supporting Actor sa katatapos na awards night ng nasabing film festival.

Baguhan pa lang si Blake sa showbiz pero nagkaroon na agad siya ng Best Supporting Actor trophy. Kinabog pa niya ang ilang mga actor na matagal na sa showbiz pero hindi pa rin nakatatanggap ng acting award.

Sa nasabing pelikula ay may musturbation scene si Jameson. Na ayon sa kanya noong una ay nagdalawang-isip daw siya kung gagawin niya ang eksenang ‘yun.

“Unang-una siyempre, naisip ko na bakit ganito ‘yung scene, why do I have to do it, what’s the purpose. So si Direk (Petersen Vargas), he told me the reason to do it,” sabi ni Jameson.

“Yeah, I had thought twice about it, but I tried how to figure it out properly and stuff. It was hard for me actually, it was my hardest scene. It’s kind of a struggle, but then I managed to pull it off, and that’s what matters,” aniya pa.

Sana lang sa pagkapanalo ni Jameson ay mabigyan na siya ng serye ng ABS-CBN 2 para rito naman ay maipamalas niya ang husay sa pagganap.

Regular pa ring napapanood si Jameson sa It’s Showtime kasama ang grupo niyang Hashtags.

MA at PA – Rommel Placente