HATAW! D'yaryo ng Bayan hatawtabloid.com
TIKOM ang bibig ni Ellen Adarna sa kumalat na kissing photo nila ng First Son na si Sebastian “Baste” Duterte. Pinigilan niya ang kanyang sarili at ngumiti na lang pagkatapos masambit ang salitang ”It’s not…”
Nagmadali na siyang umalis sa mga reporter na umuurirat sa kanya pagkatapos ng Q & A ng bagong serye ng ABS-CBN 2 na Langit Lupa simula sa Lunes (November 28).
Bagamat long time girlfriend ni Baste si Kate Necessario at may anak sila, hindi maiwasang may ma-link pa rin sa kanya na ibang babae gaya ni Ellen. Hindi pa naman kasi kasal si Baste.
Anyway, ibang Ellen ang mapapanoood sa Langit Lupa dahil wholesome siya at hindi pa-sexy. Mas gusto raw niya ito dahil mas mahirap daw ang magpa-sexy. Happy siya na mapapanood sa serye na swak sa mga bata at buong pamilya.
Tampok sa Langit Lupa ang dalawang child stars na sina Yesha Camile at Xia Vigor. Nandiyan din sina Yam Concepcion, Alessandra De Rossi, Jason Abalos, Patrick Garcia, Tommy Esguerra, Miho Nishida, Jairus Aquino, Sharlene San Pedro, Buboy Garovillo, Viveika Ravanes, at Kitkat. Ito ay sa direksiyon nina Carlo Po Artillaga at Myla Ajero-Gaite, kasama si Mel Del Rosario bilang creative manager, sa ilalim ng business unit na pinamumunuan ni Ruel Bayani.
TALBOG – Roldan Castro
