Erich at Daniel, sa simbahan ang ending ng pagmamahalan

SA top-rating series ng ABS-CBN na Be My Lady, ikinasal na ang mga bida ritong sina Erich Gonzales at Daniel Matsunaga. Sa finale presscon para sa nasabing serye, tinanong ang dalawa kung ‘yung relasyon ba nila sa totoong buhay ay doon din patungo, na magpapakasal din sila?

Sabi ni Daniel ”Oo, siyempre naman.”

“Siyempre naman po gusto kong isipin na sana po roon, God willing, ‘di ba? Kasi siyempre hindi naman po tayo pumapasok sa isang relasyon na iniisip natin panandalian lang, kumbaga one week or one month lang. Siyempre ipinagdarasal natin na siya na po talaga. ‘Yun po,” sabi ni Erich.

Halata naman kina Daniel at Erich na in-love sila sa isa’t isa kaya nasabi nila na gusto nilang magtapos sa simbahan ang kanilang pagmamahalan. Well, wish namin na sana nga ay hindi na sila maghiwalay at sila na nga ang magkatuluyan.

MA at PA – Rommel Placente