HATAW! D'yaryo ng Bayan hatawtabloid.com
NAKALULUNGKOT na hindi natuloy ang pasabog ni Kris Aquino dahil hindi nakarating si Presidente Rodrigo Duterte sa one on one interview nila sa Davao City para sa National Micro, Small and Medium Enterprises Summit 2016 ng Go Negosyo.
Hindi naman daw ini0snab ni Digong si Kris. May effort naman daw na pumunta pero nagka-migraine at masama talaga ang pakiramdam.
Mukhang inaalat sa panahong ito si Kris pagdating sa hosting career niya. Tatlong beses nang nasilat ang pagka-comeback niya. Hindi natuloy ang pag-renew niya ng contract sa ABS-CBN 2 at pagkuha ng timeslot. Naudlot din ang show na supposed to be ay gagawin sa GMA 7 under TAPE. Tapos , hindi rin nakasipot si Pangulong Duterte sa one on one interview nila na ipalalabas dapat sa TV5 at PTV 4.
Sey na lang ni Kris, two weeks pa naman niya pinaghandaan ang paghaharap nila ni Digong at nag-diet siya. Pero may mga ganitong pangyayari talaga sa trabaho niya na hindi inaasahan. Minsan ay may mga co-star siyang nagkakasakit.
Deklara pa ni Kris, “President Duterte, please give me a chance. I hope one day mamahalin mo rin ako.”
Hay naku, dapat siguro magpalipas muna ng kamalasan si Kris.
TALBOG – Roldan Castro
