HATAW! D'yaryo ng Bayan hatawtabloid.com
AYON kay Jessy Mendiola nang makausap namin siya sa press conference ng 8th anniversary ng gag show na Banana Sundae, na isa siya sa regular mainstay, hindi niya raw isinasara ang kanyang pintuan sa posibilidad na maging magkaibigan sila ni Angel Locsin, ang ex ng boyfriend niyang si Luis Manzano.
“I’m not saying na talagang chummy na friends, pero,’ di ba, panahon lang ‘yan? Para sa akin talaga, kung saan siya (Angel) masaya, okey, kung saan ako masaya,” panimulang sabi ni Jessy.
Patuloy niya,”May kanya-kanya kaming buhay, so parang it’s such a waste of energy kung palagi na lang tayong nagagalit sa isa’t isa para sa wala, o kaya paulit-ulit na lang tayong lahat.”
Tinawag pang “blooming” ni Jessy si Angel.
“Kumbaga, parang blooming naman siya ngayon, so parang, ‘di ba, ano pang sense kung bakit kailangan pa nating i-push pa ‘yung issue na yun?”
Ang isyung sinasabi ni Jessy ay ang umano’y inagaw niya si Luis kay Angel. Na tahasan namang itinanggi ni Jessy dahil hiwalay na umano sina Angel at Luis nang pumasok siya sa eksena.
Handa ba niyang batiin si Angel kung sakaling magkita sila sa loob ng ABS-CBN?
“Bakit naman hindi?” sagot ni Jessy.
MA at PA – Rommel Placente
