Paulo Angeles, nabigla sa mabilis na pagsikat ng Hashtags

NOONG October 27 ay birthday ni Paulo Angeles, isa sa member ng all-male group na Hashtags na regular mainstay sa It’s Showtime ng ABS-CBN 2. Pero wala siyang naging party. Nag-dinner lang sila ng pamilya niya kasama ang ilang non-showbiz friends.

“Sa UP Town Center po kami nag-dinner. Medyo late dinner na nga po ‘yun kasi nanggaling pa ako sa ‘It’s Showtime’, nag-reherease pa po kami para sa production number namin kinabukasan,” sabi ni Paulo nang makausap namin siya sa post birthday party niya na inorganize ng kanyang fans, ang Paulo Believers Forever.

Ang birthday wish ni Paulo ay magtagal pa ang grupo nilang Hashtags at gumanda pa ang takbo ng kanyang career .

Ang Hashtags ay inilunsad sa It’s Showtime noong November ng nakaraang taon. Wala pang isang taon ang grupo pero mabilis silang nakilala at naging indemand. Nakagawa na agad sila ng album mula sa Star Music titled Roadtrip at nagkaroon din agad sila ng major concert na ginanap noong September 14, 2016 sa Kia Theater, Araneta Center billed as Hashtags: Roadtrip Concert.

Sa magandang nangyayari sa grupo nila kahit wala pa nga silang isang taon sa showbiz, masaya si Paulo. Pero nabigla raw siya.

Katwiran niya, “Kasi hindi ko rin ini-expect na ganoon..kasi sa buhay ko hindi ako nag-i-expect masyado. Hindi ko ini-expect na ganoon ‘yung magiging takbo ng Hashtags. Lalo na ‘yung concert, hindi ko ini-expect na magkakaroon agad kami ng concert.”

MA at PA – Rommel Placente