HATAW! D'yaryo ng Bayan hatawtabloid.com
NATURAL at tahimik ang acting na ipinakita ni Lovi Poe sa pelikulang The Escort, pero magaling.
“Nanibago nga ako. This is the role na hindi mo siya puwedeng paglaruan. Kasi tahimik siya kaya naninibago ako.’Yung ibang roles na nakukuha ko especially sa movies..like sa ‘Temptation Island’, malandi siya, ‘yung mga ganoon,” reaksiyon ni Lovi pagkatapos ng premiere night ng The Escort na showing na sa kasalukuyan.
Aminado siyang nahirapan sa movie dahil limitado at hindi niya puwedeng paglaruan ang character niya.
Ang favorite scene ni Lovi with Derek Ramsay ay ‘yung nag-uusap sila over coffee and tea. May kilig factor talaga sa scene na ‘yun at cute.
Type naman niya sa eksena with Boyet De Leon ‘yung nagne-negotiate na sila at ‘yung part na binigyan siya ng tatlong options.
Actually, usap- usapan after mapanood ang pelikula sa premiere night kung anong option ang pipiliiin nila, option 1, option 2, or option 3 sa totoong buhay.
Ang option 2 ang kapwa pinili nina Lovi at Boyet.
“Kung ako si Yassi (karakter niya sa movie) tapos wala talaga akong choice, Option 2,” bulalas ni Lovi.
Si Derek walang mapili at magpapakamatay na lang daw siya. Hindi lang namin puwedeng i-reveal ang mga option na ‘yun dahil mapi-preempt ang pelikula sa regular showing nito.
Napansin din namin na naalagaan ni Derek si Lovi sa love scene nila kahit torrid ang kissing scenes nila at ‘inupuan’ niya ang aktor. Agree naman si Lovi at sinigurado raw nila na full of love ang love scene nila hindi gaya kina Jean Garcia at Derek na tumitirik ang mata ni Jean at ‘elya’ factor lang.
Ang The Escort ay handog ng Regal Entertainment Inc. Ito ay sa direksiyon ni Enzo Williams.
TALBOG – Roldan Castro
