Sayang ang ginastos ng mga ‘hakot’ na botante sa SK

PIRMADO  na ni Pangulong Rodrigo Duterte ang suspensiyon para sa SK elections, ngayong taon, kung kaya maraming politiko na nakaupo ang desmayado, dahil nabura ang kasigurahan na muli silang mahahalal sa mga susunod na halalan, sakaling tuluyan nang hindi matuloy ang pagkakaroon ng SK elections, dahil karamihan sa mga kabataang botante ay ‘hakot’ lamang ng ibang politiko.

TURISTANG TSEKWA DADAGSA SA PINAS

Tiyak na dadagsa ang mga tsekwang turista sa bansa kapag tuluyan nang tinanggal ng bansang China ang travel advisory sa Filipinas. Halos dalawang taon nang umiiral ang travel advisory pero sa pagbisita ni Pangulong Rodrtigo Duterte kamakailan sa nabanggit na bansa posibleng alisin na ito.

***

Magugunita na inilabas ang travel advisory ng China, noong 2014 matapos masakote sa Filipinas ang tatlong suspek sa planong pagpapasabog sa Chinese Embassy at sa mga paliparan. Tiyak na lalakas ang turismo sa ating bansa sakaling tuluyan nang tanggalin ang travel advisory, dahil mas magiging matatag ang ekonomiya ng ating bansa, kung aabot sa 1,000 dolyar ang gagastusin ng bawat turista. Sigurado din na magiging malakas ang ekonomiya sakaling maging mganda ang pagsasama ng bansang China at Filipinas, partikular sa impraestruktura, investments, trade, soft loans, joint-anti-drugs efforts, donations of huge rehabilitation centers, at maging sa fisheries, at agrikutura.

3 PNP PROVINCIAL DIRECTOR NA SINIBAK

Marapat lamang sibakin ang tatlong PNP Provincial Director sa Region 6 dahil sa kakulangan na mapaigting ang kampanya laban sa ilegal na droga. Isa lang ang ibig sabihin niyan, mga konsintidor, malaki kaya ang tinatanggap mula sa gambling lords!

***

Dito sa Kalakhang Maynila, payabangan ang mga Regional Director, paramihan ng nasasakote at paramihan ng mga napapatay. Ang pagkakaalam ko mas marami sa mga probinsiya, ‘yun nga lang mas maraming may pera sa Kamaynilaan na kayang umangkat ng bulto-bultong shabu, ‘di gaya sa probinsiya na barya-barya lamang!

ISUMBONG MO KAY DRAGON LADY – Amor Virata