Baby Seve, takaw-pansin ang larawang nakadapa sa dibdib ng ina

TRENDING ang mga photo ng baby ng Home Sweetie Home star na si Toni Gonzaga at Direk Paul Soriano na si Baby Severiano Elliot.

Takaw pansin ang larawan na nakadapa si Baby Seve sa dibdib ni Toni. Tuloy ang breast feeding ni Toni at mukhang sagana naman siya sa gatas ng ina.

Dahil bagong panganak si Toni, nagkalaman ito. Nami-miss na niya ang kaseksihan niya. Kaya may whole body picture siya na ang caption ay , “Hello 2012 body. Nakaka-miss ka. Sana magkita tayo ulit one day.”

Anyway, tuloy pa rin ang Halloween episode sa sitcom nila na Home Sweetie Home ngayong Sabado sa ABS-CBN 2 na may pamagat na  Road Trip Part 2 habang naiwan sa bahay si Toni (Julie).

Magugulat si Romeo (John Lloyd Cruz) nang akma siyang kagatin ng zombie na lalaki. Makikita rin niya na puro dugo ang bibig nito. Hindi alam ng grupo kung ano ang nangyari sa mga staff ng resort at ibang bisita. Parang mga siraulo raw ito at nangangagat. May zombie outbreak sa resort. Ano kaya ang mangyayari?

ni ROLDAN CASTRO