HATAW! D'yaryo ng Bayan hatawtabloid.com
HINDI pala quadruplets ang magkakapatid na girl group na 4th Impact.Magkakamukha kasi sila. Magkakalapit lang talaga ang kanilang edad. And they’re really good. Nag-sampol nga sila ng kanilang performance sa presscon ngPowerhouse concert at talagang makapanindig balahibo ang kanilang husay. Napabilib din nila kami sa kanilang perforamance sa nakaraang PMPC Star Awards.
Ang 4th Impact ay binubuo nina Almira, Celina, Irene and Mylene Cercado. In 2015 ay sumali sila sa Season 12 ng United Kingdom’s X Factor at naging finalist. Since then ay sumikat na sila nang husto at katatapos nga lang ng kanilang live show tour sa London.
First time ng 4th Impact na magkakaroon ng concert dito sa ‘Pinas, ang Powerhouse with Arnel Pineda, Morisette and Michael Pangilinan. Gaganapin ito sa Oct. 28, 7:30 p.m. sa The Theatre, Solaire Resort & Casino.
Sey ng magkakapatid, tatapusin nila ang Christmas dito sa ‘Pinas at babalik sila ulit ng London sa 2017 para sa kanilang series of shows.
TALBOG – Roldan Castro
