HATAW! D'yaryo ng Bayan hatawtabloid.com
TINANONG si Glaiza De Castro kung ano ang reaksiyon niya sa napapabalitang relasyon nina Benjamin Alves at Julie Anne San Jose? Dati kasing na-link si Glaiza kay Benjamin.
“Okey naman . Basta ako, kung saan naman sila masaya. Wala naman akong karapatan para maging Pirera sa kanila,” mabilis niyang sagot.
“Friend ko naman silang pareho,” dagdag pa niya.
Sino ba ng umayaw o nagkaayawan na lang?
“Parang na-realize namin na hindi talaga. Hindi pala lahat ng friends ay swak talaga for relationship,” sey pa niya.
Bakit hindi nagswak? May nakita ba siya?
“Hindi lang siguro timing din,” tugon niya.
Mga ilang months?
“Pabugso-bugso kasi.Hindi ko na maalala. Hindi ko naman kasi na-imagine na maga-attempt siya, ha!ha!ha!,” sey pa ni Glaiza.
Naging supportive naman daw si Benjamin noon bilang kaibigan. Hindi naman daw sila umabot sa relationship. Wala na raw silang communication ngayon.
Zero ang lovelife niya at nagbirong busy raw ang lovelife niya.
Anyway, may charity showcase at fan meet ngayong Oktubre 22 si Glaiza. Beneficiary niya ang Philippine General Hospital Pediatric Cancer ward. Hindi lang ito rock-rock-an at kantahan kundi bonding din sa fans na magsisimula ng 6:00 p.m. sa UP Cine Adarna sa Magsaysay Avenue, Diliman, QC.
TALBOG – Roldan Castro
