HATAW! D'yaryo ng Bayan hatawtabloid.com
MASUWERTE si Ryza Cenon dahil supporting role lang ang gusto niya sa audition ng Ang Manananggal sa Unit 23B na showing sa QCinema International Film Festival pero nagustuhan siya noong sabihan siyang subukan niya ‘yung lead role.
“Sobrang blessed nga na ikinonsidera nila ako na i-try ‘yung Jewel. Yung lead,” reaksiyon niya.
Pinag-uusapan ang masturbation scene ni Ryza sa nasabing indie movie na idinerehe ni Prime Cruz. Prodyus ito ng Idea First nina Direk Perci Intalan at Direk Jun Lana. Napapikit nga siya noong ipalabas ang eksenang ‘yun sa World Premiere.
Umaasa ba si Ryza na manalong Best Actress sa filmfest na ito lalo’tUltimate Female Survivor siya ng StarStruck season 2 at ‘yung runner-up niyang si LJ Reyes ay nagwagi ng Best Actress sa Anino sa Likod Ng Buwan?
“Hindi naman, wala namang competition. Wala namang competition, ‘di ba? Masaya ako and proud ako na nanalo siya, international tapos ang dami pa rito so, mas maganda rin kung makakuha rin ako (ng award) para siyempre ‘yung batch namin, at least ‘di ba?,” bulalas niya.
Bukod sa Ang Manananggal sa Unit 23B ay visible rin si Ryza sa telebisyon. May guest appearance siya sa Alyas Robin Hood na pinagbibidahan ni Dingdong Dantes.
TALBOG – Roldan Castro
