Pre-programming ng EB, para talaga sa TROPS

ITINANGGI ng pamunuan ng TAPE, Inc. na supposed to be ay oras ni Kris Aquino ang time slot ng bagong youth oriented show ng GMA 7 na Trops. ‘Yung 11:30 a.m.-12 noon, Mondays to Fridays ay intended daw talaga sa TROPS, kapalit ng Calle Siete.

May chism na binaril umano ng isang mataas na network official ang show ni Kris. May lumalabas ding tsismis na tumanggi  umano ang kasosyo ng producer ng show ni Kris. Ano ba talaga ang totoo sa tsikang ito?

Anyway, magsisimula ang TROPS sa October 24 na tampok ang That’s My Bae na sina Kenneth Medrano, Miggy Tolentino, Joel Palencia, Jon Timmons, Tommy Penaflor, at Kim Last. Nandiyan din sina Taki Saito,Benjie Paras, Ina Raymundo, at may special participation sina Kylie Padilla at Julie Anne San Jose. Ito ay sa direksiyon ni Linneth Zurbano.

Bilang paghahanda sa TROPS, sumailalim silang lahat ng acting workshop para maisabuhay ng totoo ang kani-kanilang roles at hindi malayo sa pagiging millennials nila.

Tatalakay sa iba’t ibang issues ng henerasyon ngayon ang TROPS-peer, pressure, friendship, rivalry, generation gap atbp.. Isang layunin ng programa ay maka-relate sa mga inang may millennial baby.

Siyempre, nandoon ang dynamics ng mga millennial ngayon. Lalantad ang klase ng pananamit, ugali, style ng buhok, at samahan nila. Maging ang hugot ng millennials sa characters ay maa-identify ng lahat ng televiewers.

Boom!

TALBOG – Roldan Castro