HATAW! D'yaryo ng Bayan hatawtabloid.com
ISINANLA ni Finance Secretary Sonny Dominguez ang kanyang hotel na Marco Polo sa Davao City para pondohan ang kanyang kandidatura sa katatapos na May 2016 presdiential elections.
Sa talumpati ng Pangulo kagabi sa Philippine Business Conference and Expo, sinabi niya na umaasa siya na matutubos na ni Dominguez ang naturang hotel.
Ayon sa pangulo, isa si Dominguez sa iilang kaibigan na sumuporta sa kanyang kandidatura sa pagkapangulo.
Aminado ang pangulo na wala siyang bitbit na bagahe o utang na loob dahil noong panahon ng kampanya, tanging mga malalapit na kaibigan lamang ang sumuporta sa kanya at hindi ang sino-sinong mga negosyante.
“Parang—so wala akong bagahe. I have no baggage to… No debts to repay. Well, except Sonny Dominguez, I just learned that he mortgaged his hotel, Marco Polo. I hope you recover on time,” aniya.
( ROSE NOVENARIO )
