Chinese drug agency rehab centers bibisitahin (Sa China trip)

POSIBLENG bisitahin  ni Pangulong Rodrigo Duterte ang Chinese Drug Agency at rehabilitation centers sa kanyang State Visit sa Beijing, China sa Oktubre 18-21.

Sinabi ni Foreign Affairs Spokesman Asec. Charles Jose, nakapaloob ito sa official program o schedule ng Pangulong Duterte.

Ayon kay Jose,  haharapin din ni Pangulong Duterte ang Filipino community at magiging keynote speaker sa Trade and Investment Forum na dadaluhan ng Filipino and Chinese investors.

Nitong Hunyo, ipinagdiwang ng China at Filipinas ang 41 taon bilateral relations ng dalawang bansang nagsimula noong Hunyo 9, 1975 nang lagdaan nina dating Pangulong Ferdinand Marcos at Chinese Premier Zhou Enlai.

“As part of his official program, the President may visit some law enforcement and drug rehabilitation centers. An activity is also scheduled for the President to meet the members of the Filipino community in China. President Duterte will deliver the keynote address at the Trade and Investment Forum, which will be attended by Filipino and Chinese investors,” ani Jose.

( ROSE NOVENARIO )