HATAW! D'yaryo ng Bayan hatawtabloid.com
PAGTATAKSIL sa bayan ang pagre-recycle ng shabu ng mga pulis o ang pagiging ninja cop.
Sa kanyang talumpati kahapon sa pagbisita sa Camp Col. Romeo Abendan sa Mercedes, Zamboanga City, nag-alok si Pangulong Rodrigo Duterte ng P2 milyon sa bawat ninja cop na mahuhuli ng mga pulis dahil maituturing na treason ang ginagawa ng naturang pulis na imbes magpatupad ng batas ay siya pang lumalabag.
Inatasan niya ang mga pulis sa Region 9 na kumuha ng kopya ng listahan ng ninja cops para hulihin.
Ngunit paalala niya sa mga pulis, huwag magkompiyansa sa operasyon dahil maaaring sila ang mapaslang ng mga aarestohing ninja cop na armado rin ng baril.
“Pa-ninja-ninja pa kayo kunin n’yo listahan sa award P2 milyon per head ako special price ‘yan ‘pag pulis imagine pulis ‘yan gumawa ka that’s treason. Basta Ninja, pero ang importante nakuha ninyo ang message ko… ‘wag kayo magkompiyansa,” aniya.
( ROSE NOVENARIO )
