HATAW! D'yaryo ng Bayan hatawtabloid.com
NALULUNGKOT kami ‘pag nakikita ang mga larawan na nasa loob ng selda si Mark Anthony Fernandez at humihimas ng rehas. Sana ‘wag na siyang kunan ng ganoon dahil kung ‘yung mga ordinaryong tao nga umiiwas na makunan, nagkalat naman ang ganoong kuha sa actor.
Marami ang naiiyak sa showbiz sa kalagayan ni Mark at nanghihiyang sa kanya dahil mabait ito at marunong makisama. Pero kung ano ang akusasyon sa kanya ay kailangan niyang panagutan sa batas kung mapatunayang tototo.
Anyway, hindi natuloy noong Huwebes ang arraignment ni Mark sa Angeles City Regional Trial Court (AC-RTC) para basahan siya ng haharaping kaso sa isang kilong marijuana at sa Angeles City Municipal Trial Court (AC-MTC) para basahan siya ng sakdal ng civil disobedience pagkatapos niyang takasan umano ang checkpoint.
Na-postpone umano ang arraignment dahil sa paghain ng mosyon ng kampo ni Mark na suspendihin ito. Hinihiling din nila na muling magkaroon ng imbestigasyon sa pagkakadakip ng actor sa kanyang sasakyan na umano’y may isang kilo ng marijuana. Naghain din daw sila ng mosyon na ilipat ito sa Pampanga Provincial Jail dahil masikip ang kinalalagyan niyang kulungan ngayon.
Samantala, naging emosyonal naman umano si Mark nang dalawin ng kanyang girlfriend. Ibinilin daw sa kanyang live-in partner na alagaan ang bagong silang na baby nila.
Dumalaw na rin ang kanyang inang si Alma Moreno kay Mark at sinamahan daw ito sa naurong na arraignment niya.
TALBOG – Roldan Castro
