Yassi, naloka sa pagkaka-link ng kapatid sa hiwalayang Gab at Tricia

PINABULAANAN ni Yassi Pressman ang pagkakadawit ng pangalan ng sister niyang si Issa Pressman sa hiwalayang Gab Valenciano at Tricia Centenera.

Naloka si Yassi sa pagkaka-link ng kapatid pero buong ningning niyang sinabi na walang katotohanan ‘yun.

Ang totoo, siya raw ang kaibigan ni Gab at isang beses lang nakilala ni Issa si Gab.

Anyway, masuwerte si Yassi dahil siya ngayon ang umani sa pinaghirapan nina Maja Salvador at Bela Padilla bilang leading ladies ni Coco Martin sa FPJ’s Ang Probinsyano. Siya ngayon ang kasama sa first anniversary celebration ng serye sa Araneta Coliseum sa Oct. 8.

Pero hindi maiwasan na ikompara si Yassi kina Maja at Bela na parehong magaling sa FPJ’s  Ang Probinsyano.

Pero ayon kay Yassi, maganda naman ang feedback sa kanya sa social media at ramdam niya ang pagtanggap sa kanya ng mga televiewer.

TALBOG – Roldan Castro