HATAW! D'yaryo ng Bayan hatawtabloid.com
PINANGALANAN ni Pangulong Rodrigo Duterte ang isang hukom na kasama sa kanyang narco list.
Sa kanyang talumpati sa 9th National Biennial Summit on Women and Community Policing sa Apo View Hotel sa Davao City, binanggit ng Pangulo ang pangalan ni Judge Hector Salise.
Si Judge Salise, presiding judge ng Bayugan City Regional Trial Court, ay sugatan sa pananambang noong Biyernes, Setyembre 23, sa Brgy. Lemon, Butuan City.
Ayon sa Pangulo, may dalawa pang kongresista sa kanyang listahan na dominado ng mga pulis at barangay chairman mula sa iba’t ibang barangay sa buong bansa.
Naunang sinabi ng Pangulo na may 40 hukom ang nasa narco list niya na naglalaman nang higit isang libong pangalan.
( ROSE NOVENARIO )
