Relasyong Bea at Gerald, itutuloy

INAMIN ni Bea Alonzo sa isang intervierw na madalas pa rin silang lumalabas ni Gerald Anderson kahit tapos na ang kanilang pelikulang  How To Be Yours ng Star Cinema.

“Oo, we go out. We go out a lot, with friends. We go out. Wala namang masama. Parang wala naman kaming nasasaktan,” sabi ni Bea na ang ibig sabihin ay pareho naman silang single ngayon ni Gerald kaya walang magiging problema kung lumalabas o nagdi-date man sila.

Gayunman, tumangging magbigay ng anumang detalye si Bea sa kung ano ang estado ng relasyon nila ni Gerald ngayon.

“Parang ang pangit mag-share ng mga personal, and babae ako.”

Pero siniguro naman ng aktres na kung may magbabago man sa kanilang pagkakaibigan o kung magiging sila ulit ay ise-share nila ‘yun at hindi itatago.

Sa nakikita namin, posibleng magkaroon ng part 2 ang naunsiyami nilang relasyon. Halata naman kasing may pagtingin pa rin sila sa isa’t isa.

MA at PA – Rommel Placente