Panggagaya ni Alden kay Andanar, ikinataba ng puso

TATAK na ni Alden Richards ang panggagaya kay Secretary of the Presidential Communications Operations Office Martin Andanar sa Sunday PinaSaya ng GMA 7 bilang Martin Paandar.

Hindi naman minasama ni Sec. Andanar ang pag-impersonate sa kanya ni Alden dahil trabaho lang daw ito at hindi naman sinisira ang image niya. Nakakataba raw ng puso dahil sobrang guwapo at pinakasikat na actor ang gumagaya sa kanya at alam niya kung gaano kamahal ng publiko ang Pambansang Bae. Lamang daw ng sampung paligo si Alden.

Ayaw din niyang mag-suggest kung sakaling i-feature ang life story kung sino ang gaganap. Nang may bumanggit sa name ni Alden. ”Nakahihiya naman kay Alden. Basta bahala na kayong mag-isip kung sino ang bagay,” reaksiyon ni Sec. Andanar.

Samantala, masayang ibinalita ng kalihim na balak nilang palakasin ang PTV4  Radyo ng Bayan, Philippine Information Agency, Philippine News Agency, atNational Printing Office.

Actually, napakaganda na ngayon ng news room ng PTV 4. Nakita namin saFacebook Live ni Dianne Medina na sobrang ganda na ng kanilang news room.

Nag-submit na rin daw ng bill sa Senate si Sen. Loren Legarda at Quezon City Cong. Alfred Vargas sa Kongreso para gawing People’s Broadcasting Network ang PTV4 na parang People’s Broadcasting Corporation o BBC ng UK.

Hindi kaya maungusan pa ang TV5 na pinanggalingan ni Sec. Andanar ‘pag natutukan ang PTV4?

Just asking?

TALBOG – ROldan Castro