HATAW! D'yaryo ng Bayan hatawtabloid.com
KINASUHAN na ngayon ang management ni Charice Pempengco, ang Cleverbox Events na pinamumunuan nina Mark Anthony Edano Tuico at Jedmark Velasco Fernandez. Sinampahan sila ng kasong estafa ng international promoter/producer na si Maria Rosario Risi Aureus with her legal council na si Atty. Ferdie Topacio.
Sey ni Ms. Aureus, kinuha nila umano si Charice para mag-concert sa Rome, Dubai, at Switzerland para sa September 10-18.
Nauna na itong nagbigay umano ng P400K downpayment kina Fernandez at Juico bilang kabayaran sa 25% asking DP (deposit) ni Charice sa talent fee nito na almost P1.6-M ang kabuuan.
Agad daw nagbigay si Ms. Aureus para na rin mai-promote ng magaling na singer ang shows nito sa tatlong bansa.
Kaso mo, isang linggo na ang lumipas, pina-follow-up nito ang hinihinging video na nagpo-promote si Charice pero wala silang maibigay. At nang kontakin nito si Charice, paano raw ito magpo-promote eh wala pa siyang natatanggap ni singko sa sinasabing P400K DP.
Doon na umano nagduda si Ms. Aureus at nabuking nga nito na may gusot na pala sina Charice at ang management nito at gusto na ng magaling na singer na umalis sa kanilang kwadra kaya ginipit din ito.
Bukas ang pitak na ito para sa panig ng Cleverbox Events.
TALBOG – Roldan Castro
