HATAW! D'yaryo ng Bayan hatawtabloid.com
SOBRANG saya ng solid supporters nina Marlo Mortel at Janella Salvador dahil balik-tambalan ang kanilang mga idolo via Mano Po 7 mula sa Regal Entertainment na possible entry sa 2017 Metro Manila Film Festival.
Noong ipareha si Janella kay Elmo Magalona sa Born For You, sobrang nalungkot ang Marnella (tawag sa grupo ng mga tagahanga nina Marlo at Janella) dahil akala nila ay tuluyan nang mabubuwag ang loveteam ng dalawa.
Salamat na nga lang kay mother Lily Monteverde at naisipan nito na isama sa pelikula sina Janella at Marlo. Siguro ang dahilan ay naging blockbuster ang unang pelikula na ginawa nina Marlo at Janella sa Regal, ‘yung Haunted Mansion na naging entry sa 2016 Metro Manila Film Festvial.
Naniniwala si Mother Lily na makatutulong ang dalawa para mas panoorin ang Mano Po. In fairness naman kina Marlo at Janella ay marami na talaga silang fans. At hindi pa rin bumitaw ang mga fan nila sa pagsuporta sa kanila kahit na nga ipinareha na si Janella kay Elmo.
Well, sana ay magbalik-tambalan na rin sa serye sina Marlo at Janella, ‘di ba?
MA at PA – Rommel Placente
