Pag-amin ni JC, pinag-usapan sa social media

PAK NA PAK ang bagong serye ng JaDine na Till I Meet You ng ABS-CBN 2 dahil isang pamhinta anga ka-love triangle nila sa katauhan ni JC Santos. Pinag-uusapan sa social media ang pag-a-out ni Ali (JC) at  pag-amin na “I am gay”.

Inamin din niya na mahal niya si James Reid (Basti) at love naman ni Basti si Iris (Nadine Lustre na dating ka-MU ni Ali). Maraming bading at pa-mhin ang nakare-relate sa serye.

Mainit na tinanggap sa primetime ang pagbabalik nina James at Nadine matapos pumalo ang seryeng Till I Met You sa average national TV rating na 28.5% at agad na nakuha ang ikapitong puwesto sa buwan ng Agosto.

Pawang Kapamilya shows ang bumuo sa top ten list ng pinakapinanonood na programa sa bansa kaya naman ABS-CBN pa rin ang nanguna sa buong bansa noong Agosto sa average national audience share na 47%, base sa datos ng Kantar Media.

Nangunguna pa rin sa listahan FPJ’s Ang Probinsyano na may average national TV rating na 41.2%..Sinundan ito ng kakatapos lang na The Voice Kids (39.4%) na hinirang na grand winner si Joshua ng FamiLEA, at Dolce Amore (34.5%) na masayang nagtapos ang love story nina Serena at Tenten.

Pasok din sa top ten ang Wansapanataym (34.1%), TV Patrol (32.7%),  MMK (31.8%), Home Sweetie Home (28.2%), Goin Bulilit (27.2%), at  TV Patrol Weekend (22.4%).

TALBOG – Roldan Castro