HATAW! D'yaryo ng Bayan hatawtabloid.com
SUBOK na matibay at matatag ang relasyon ng Filipinas at Amerika sa kabila ng mga naging pahayag ni Pangulong Rodrigo Duterte laban sa ‘madugong pakikialam’ ni Uncle Sam sa ibang mga bansa.
Sa kanyang press briefing sa Joint Leaders Regional Comprehensive Economic Partnership sa Laos, sinabi ni US President Barack Obama, nagkamayan sila ni Duterte kamakalawa ng gabi at nag-usap sandali bago ang ASEAN gala dinner.
Aniya walang epekto sa mas malawak na relasyon ng US sa Filipinas ang mga naging pahayag ni Duterte laban sa Amerika.
“It has no impact on our broader relationship with the Philippines. We will continue working with the country whether on terrorism or drug trafficking,” giit niya.
Binigyan-diin ni Obama na ipinagkibit-balikat lang niya ang pagmumura ni Duterte at hindi pinepersonal dahil tila bukambibig o nakagawian ito ng Punong Ehekutibo at maging ang Santo Papa ay hindi nakaligtas.
“I did shake hands with President Duterte last night. I don’t take these comments personally because it seems the phrase is used repeatedly including, directed at the Pope, others, it seems to be a just you know a habit. A way of speaking for him. And what I indicated to him is that my team should be meeting with his and determine how we can move forward on a whole range of issues,” ani Obama nang tanu-ngin hinggil sa reaksiyon sa pagbatikos ni Duterte sa kanya.
Sabi ni Obama, naka-move on na siya at kinakailangan ipagpatuloy ng Amerika ang paki-kipag-ugnayan sa Filipinas lalo sa usapin ng narco traffickers na seryosong problema ng da-lawang bansa at iba pang bahagi ng mundo.
( ROSE NOVENARIO )
