HATAW! D'yaryo ng Bayan hatawtabloid.com
PINAG-UUSAPAN na ang halikan nina Daniel Padilla at Kathryn Bernardo sa Barcelona: A Love Untold na regalo sa kanilang fans. Mas matured at nararamdaman ngayon ang relasyon ng KathNiel.
“Kung ano ang nakikita niyo sa screen, sa tulong na rin ng limang taon. Kung paano kami magtinginan ni Kathryn, siyempre, sa mga eksena na kailangan kami na may tingin ng pagmamahal. At siguro dahil na rin ‘yun sa limang taon,” deklara ni DJ.
“Siguro, ito na ‘yung movie na mababalik namin sa five years na suporta sa amin ni Kathryn.Ito na siguro ‘yung regalo namin sa kanila, para ipakita ang pasasalamat namin sa limang taong suporta sa amin,” bulalas pa ni Daniel.
“’Yun nga, five years na… itong movie na ‘to, talagang magandang regalo para sa KathNiels at sa kanilang lahat. Kasi, aside from the kissing scene, ang daming kailangang abangan,” sey naman ni Kathryn.
Amimado rin naman si Daniel na matinding katrabaho si Direk Olive Lamasan.Biro nga niya ay naka-40 takes siya lalo na sa pag-i-English. Iniisip niya kasi ang emosyon niya, iniisip pa niya ang linya niya.
“Ang hirap talaga ng eksena roon, hangga’t pinipiga ka, pinipiga. Ilalabas at ilalabas, hangga’t bukas ang puso mo kay Inang, hangga’t open ka sa kanya.Kapag sinarado mo, walang mangyayari,” sambit pa ni Daniel.
Sinabi pa ni Daniel na walang big star habang nagsu-shoot sa Barcelona. Walang space para magkaroon ng star doon. Kahit sila ay nagiging staff and crew. Pero na-enjoy naman nila dahil isang team sila at bonding talaga sila.
Hindi naging madali ang shooting nila sa Barcelona. Hindi smooth araw-araw. Apat na oras lang daw ang tulog nila. Pagod sila emotionally at physically pero tiyak na matutuwa ang fans nila dahil ipinakita ang magagandang lugar sa Barcelona. Worth it naman daw ang lahat ng hirap dahil espesyal ang naturang pelikula.
Boom!
TALBOG – Roldan Castro
