HATAW! D'yaryo ng Bayan hatawtabloid.com
MARAMI ang nag-aabang kung ano ang pasabog ng JaDine sa pagbabalik primetime nila sa ABS-CBN 2. Mas marami bang halikan?
Ayon kay James, gusto nila ang istorya ng Til I Met Younat interesting daw ‘yung chemistry of friendship sa serye. Sey naman ni Nadine, mas matured sila at marami raw mangyayari.
Idiniin din ni James na wala na siyang oras na gumimik sa mga bar dahil sa trabaho. Kahit daw noong bumalik sila galing sa taping sa Greece ay halos araw-araw ay may work siya.
Hindi naman sa may nagbabawal pero wala na siyang oras para mag-party o gumimik sa bar.
Since, matagal-tagal na rin ang JaDine na nagsasama, tinanong namin kung gaano na nila kakilala ang isa’t isa. May mga itinatago pa ba sila o sa tingin nila ay may itinatago pa ang isa’t isa sa kanila?
Sey ni James ay open sila at feeling niya ay parang wala na silang itinatago.
“Wala… wala… wala kaming itinatago as in kilala na namin ang isa’t isa,” deklara naman ni Nadine.
Anyway, sinimulan na kagabi ang seryeng inihahandog ng ABS-CBN at Dreamscape Television Entertainment, ang Till I Met You na tampok ang real-life couple na sina James Reid at Nadine Lustre at ng pinakabagong primetime leading man na si JC Santos.
Panalo pa rin sa kilig na eksena ang Till I Met You at dapat ding abangan ang mga makipigil-hiningang tanawin ng Greece na kinunan ang ilan sa mga eksena ng serye. Isa na nga rito ang sikat na sikat na isla ng Santorini.
Mapapanood din sa Till I Met You sina Zoren Legaspi, Angel Aquino, Pokwang, Kim Molina, at Robert Seña. May espesyal na partisipasyon din sina Richard Yap at Jay Manalo. Ito ay sa ilalim ng direksiyon nina Antoinette Jadaone atAndoy Ranay.
Huwag palampasin ang pamamayani ng tunay na pag-ibig sa Till I Met You, ngabi-gabi pagkatapos ng FPJ’s Ang Probinsyano sa ABS-CBN.
TALBOG – Roldan Castro
