HATAW! D'yaryo ng Bayan hatawtabloid.com
ILALABAS ng pangunahing himpilan ng mga radio at telebisyon nang libre ang ginawang anunsiyo ni awarad-winning director Brillante Mendoza bilang ayuda sa pinaigting na kampanya kontra illegal drugs ng administrasyong Duterte.
Ayon kay Communications Secretary Martin Andanar, mapapanood ang serye ng public service announcements (PSA) videos sa government-controlled PTV4 at nagpahayag na rin ang ABS-CBN na ilalabas ito nang libre sa kanilang himpilan.
Ang apat 30-seconder videos at dalawang 2-minute at 30-second ay sa direksyon ni Mendoza na libre rin ang serbisyo.
“Kapag nagpagawa ng 30 seconder sa mga ahensiya, umaabot ang gastos hanggang P4 milyon. Napakamahal [niyan] pero ang magandang balita ay ni singkong duling hindi tayo siningil ni director Mendoza at ito ay world-class,” ani Andanar.
Ipalalabas din sa 300 sinehan ng SM sa buong bansa ang PSA mula Setyembre 1 hanggang Disyembre 30.
“Ang maganda rito, hindi tayo siningil ng SM. Libre ang pagpapalabas natin,” dagdag niya.
Nauna rito’y naglabas ng bi-monthly tabloid ang PCO na ipamimigay sa publiko sa buong bansa.
Ipinaayos na ang radio booth sa tanggapan ng Radio Television Malacanang (RTVM) upang magamit sa pagsasahimpapawid ng television show ni Pangulong Rodrigo Duterte na Gikan sa Masa na dati’y naanood sa local TV station sa Davao City.
( RN )
