Honor roll ng prov’l govs inilabas ng Palasyo

NILABAS na ng Palasyo ang listahan ng provincial governors na pasok sa honor roll o may magandang performance sa pamumuno sa kani-kanilang nasasakupang lugar.

Sa liham na isinumite ng Department of Interior and Local Government (DILG) kay Communications Secretary Martin Andanar, nangunguna sa listahan si Ilocos Norte Governor Imee Marcos, Isabela Governor Faustino Dy, Quirino Governor Junie Cua, Palawan Governor Jose Alvarez at Romblon Governor Eduardo Firmalo.

Kasama rin sa top ten sina Negros Occidental Governor Alfredo Maranon; Bohol Governor Eduardo Chatto; Cebu Governor Hilarion Davide; South Cotabato Governor Daisy Avance Fuentes at Agusan del Norte Governor Maria Angelica Rosedell Amante Matba.

Matatandaan, inihayag ni Presidential Spokesman Ernesto Abella, bagama’t hindi dapat kasama sa listahan ang mga politiko na kabilang sa political dynasty gaya nina Marcos at Dy, maaring natabunan ito dahil sa ganda ng kanilang performance.

Naunang sinabi ni Andanar, ang listahan ng honor roll ang kanilang pantapat sa masasamang local government officials na nadadawit sa operasyon ng illegal na droga.

( ROSE NOVENARIO )