Harlene, nasaktan at nabigla sa pag-amin ni Hero

SA interview ni Harlene Bautista sa Unang Hirit ng GMA 7 noong Martes, sinabi niyang nabigla at  nasaktan daw ang pamilya nila nang malamang gumagamit ng bawal na gamot ang kapatid niyang si Hero, na ngayon ay konsehal sa 4thDistrict ng Quezon City.

Pero ang labis daw na naapektuhan sa pangyayari ay ang kanilang kuya na si Quezon City Mayor Herbert Bautista.

Sa tanong kay Harlene kung alam ba nila na noon pa gumagamit ng droga si Hero, ang sagot niya ay, “Actually, ako, personally, hindi ko alam na gumagamit siya ng droga. Hindi talaga namin alam. Kasi si Kuya Hero.. kasi ever since kasi artista siya, nagti-theater siya, and kung kailangan niyang magpapayat, mabilis siyang magpapayat. Kung kailangan na may karakter siya na mukha siyang ermitanyo, kaya niya, ganoon siya, eh, artist siya talaga. So, we never really suspected that he was taking drugs.”

Nalaman lang daw nila ang tungkol sa paggamit ng droga ni Hero nang lumabas na ang resulta ng random drug test na isinagawa sa mga opisyales ng Quezon City.

MA at PA – Rommel Placente