HATAW! D'yaryo ng Bayan hatawtabloid.com
INILABAS na ng Pep.ph ang mga nanalo sa ginanap nilang PEPsters’ Choice para sa taong ito. Panalo sa dalawang kategorya si Kathryn Bernardo. Siya ang itinanghal na Female Movie Star of the Year at Female Teen Star of the Year samantalang ang kanyang ka-loveteam na si Daniel Padilla ay nagwagi bilang Male Movie Star of the Year.
Ang Male Teen Star of the Year ay nakuha ni Darren Espanto. Talagang lumaban sa botohan ang kanyang mga fans.
Ang PEPsters’ Choice kasi ay pinili via online voting na tumakbo mula May 25 hanggang July 8 ng taong ito.
Gaya ni Kathryn, dalawang award din ang napanalunan ng loveteam nina Alden Richards at Maine Mendoza, ang Newsmaker of the Year at Celebrity Pair of the Year.
Ang awarding ceromomy ay gaganapin sa August 21 sa Grand Ballroom ng Crowne Plaza sa Ortigas Avenue.
MA at PA – Rommel Placente
