Calgary’s Song Princess na si Mary Kate, nasa ‘Pinas

TALEDTED at sosyal ang aming kababayan sa Pangasinan at Calgary’s Song Princess na si Mary Kate Aquino dahil gumagawa ng sariling pangalan sa music industry.  Kilala siyang pop singer/dancer.

Lumaki siya sa Canada pero nakaiintindi ng Tagalog at Ilokano at Panggalatok.

Nagkaroon na ng self titled album si Mary  Kate sa Canada pero gusto naman niyang i-share ang boses niya sa ating mga kababayan.

Right now, nasa ‘Pinas siya at may dalawang kanta na inire-record under sa sikat na composer na si Vehnee Saturno. Ito ‘yung Sayang at  Binuhay Mong Muli.

Favorite singer ni Mary Kate ang Popstar na si Sarah Geronimo.

Actually, naging front act siya nito noong mag-concert sa Calgary, Canada. Ilan sa nakatrabaho pa niya sina Pops Fernandez, Martin Nievera, Vhong Navarro, Aegis, Bamboo, Sharon Cuneta, Darren Espanto, Parokya Ni Edgar, Randy Santiago atbp..

Showbiz crush naman niya si James Reid na nakasama rin niya noong mag- concert tour sa Canada ang JaDine.

Talbog!

TALBOG – Roldan Castro