Ogie, mawawalan na ng ‘bahay’

SA darating na August 18 ay mag-i-expire na ang kontrata ni Ogie Alcasid saTV5. Pero wala pa siyang malinaw na plano kung magri-renew siya sa Kapatid Network o lilipat dahil hindi pa nila napag-uusapan ng kanyang manager na siLeo Dominguez.

Pero masaya raw si Ogie na kahit nasa poder siya ng TV5, nagagawa pa rin niyang makapag-perform sa shows ng ibang TV networks.

“Kasi I also do a lot of things with GMA and recently lumabas ako sa ‘ASAP’ for Ryan Cayabyab (tribute). And then, sa GMA, lumalabas din ako. Thankful naman ako sa network ko na hindi nila ako nire-restrict,” sabi ni Ogie sa isang interview sa kanya.

Sa ngayon ay isa lang ang show ni Ogie sa Kapatid Network, ang Happinas  Happy Hour.

“’Yun lang ‘yung show namin and wala kaming ibang content kung saan ako puwedeng lumabas. So, naiintindihan din naman nila ‘yung Ogie is basically a singer.”

Ang hinahanap siguro ni Ogie na show na gusto niyang magkaroon sa TV ay ‘yung makakakanta siya. Pero wala namang musical variety show ngayon ang nasabing estayon kaya hindi niya ‘yun magagawa. Isa siguro ‘yun sa dahilan kung bakit naiisip niya at ng manager niya na lumipat sa ibang estasyon.

Pero ang tanong, saang estasyon siya lilipat? Wala namang offer sa kanya angABS-CBN 2 at kung bumalik kaya siya sa GMA 7,  tanggapin pa kaya siya?

Matatandaang umalis si Ogie sa GMA para lumipat sa TV5, ‘di ba? Hindi kaya nagsisisi na si Ogie sa naging desisyon niya noon na lumipat sa TV5?

MA at PA – Rommel Placente