Alden, ‘di na nagpapa-apekto sa mga puna at panlalait ng bashers

GAYA ng ibang artista, nakatatanggap din ng mga puna at panlalait si Alden Richards mula sa kanyang bashers. Pero kung noong una ay naaapektuhan siya, ngayon ay hindi na.

“Hindi po kasi talaga maiiwasan. Most of the time, talagang mayroon at mayroong masasabi ang mga tao kaya nasanay na rin po ako. Noong una po, siyempre medyo mahirap lunukin kasi ‘yung mga basher po, parang kilalang-kilala nila ‘ko, kilalang-kilala nila kami, kung paano nila kami pagsabihan ng kung ano-ano sa social media,” sabi ni Alden.

Masasabi naman daw ni Alden na hindi naman niya kawalan kung anuman ‘yung sinasabi ng bashers niya tungkol o laban sa  kanya. At mas mabuting pagtuunan na lang niya ng pansin ang mga taong tunay na nagmamahal at sumusuporta sa kanya.

“At the end of the day naman po, ako pa rin naman po ‘to and siguro po, talagang ‘yung mga taong mahal ‘ko at ‘yung mga taong mahal ako, sila lang po talaga ang makakikilala at makaiintindi sa ‘kin,” aniya pa.

MA at PA – Rommel Placente