Coco, ‘di raw totoong pinuputakte ng mga babae

MARAMING pasaberrrg (pasabog) si Coco Martin sa guesting niya sa  Gandang Gabi Vice na si PNP Chief Director General Ronald “Bato” dela Rosa ang nagtatanong sa kanya sa video.

Inamin niya na sumayaw siya ng Igorot dance noong College na kita ang ‘puwet’ dahil ibabagsak siya kung hindi niya gagawin. Kaysa balikan pa niya ang subject na ‘yun na hindi niya madalas pasukan ay nag-perform na lang siya ng Igorot dance sa stage.

May pasaberrrg din siya na minsan ay nakipagrambulan siya dahil sa pagtatanggol sa kaibigan niyang bading na niloloko ng boyfriend. Kahit nga dating BF ni Vice ay sinita niya noong bigyan ito ng  motorsiklo.

Ayaw nakikita ni Coco na hinuhuthutan ng lalaki ang mga kaibigan niyang bading. Hindi raw niya hahayaan na may manloko sa mga friend niya.

Itinanggi naman ni Coco na pinuputakti siya ng girls sa set ng kanyang serye.

TALBOG – Roldan Castro