HATAW! D'yaryo ng Bayan hatawtabloid.com
DUDURUGIN ni Pangulong Rodrigo Duterte sa publiko ang isang babaeng opisyal ng gobyerno sa susunod na mga araw.
Sinabi ni Pangulong Duterte sa media interview kamakalawa ng gabi sa Davao City, ‘wawasakin’ niya ang isa sa kanyang mga kritiko.
“But I have a special ano kay ano. She is a government official. One day soon bitiwan ko iyan in public and I will have to destroy her in public.”
Aminado ang Pangulo na madalas niyang banatan ang mga human rights advocate at ilang non-government organizations (NGOs) na hindi tinatantanan ang pagbantay at pagtuligsa sa kanyang kampanya laban sa illegal na droga.
Ngunit espesyal aniya ang isang lady government official na ayaw pa niyang pangalanan ngayon.
“That’s the riddle there. Hintay lang kayo. Akala nila hindi rin ako nakikinig sa kanila,” ani Duterte.
Matatandaan, dalawang araw makaraan isiwalat ng Punong Ehekutibo ang limang narco-generals ay naghain ng resolusyon si Sen. Leila de Lima na humihiling na imbestigahan ng Senado ang aniya’y tumataas na bilang ng extrajudicial killings mula nang magsimula ang administrasyong Duterte.
Mula noong chairman pa ng Human Rights Commission hanggang naging justice secretary si De Lima’y naging kritikal siya sa human rights violations sa Davao City noong alkalde pa ng lungsod si Duterte.
( ROSE NOVENARIO )
