HATAW! D'yaryo ng Bayan hatawtabloid.com
MAPAPANOOD na ang special gift at tribute ni Mother Lily Monteverde ng Regal Entertainment sa LGBT community na nagsimula na noong August 10. Love niya ang mga bading kaya ganado rin siyang iprodyus ang pelikulang That Thing Called Tanga Na. Hanggang ngayon, hindi pa rin nawawala ang respeto at paghanga niya sa third sex.
Ilang gay movie na rin ang naiprodyus niya gaya ng Petrang Kabayo, Kumander Gringa, Bala at Lipstick, Manay Po 1, Manay Po 2, Happy Together.
Bibida sa movie sina Eric Quizon, Billy Crawford, Mart Escudero, Kean Cipriano, at Angeline Quinto.
Hindi naman nailang si Angeline sa tema ng pelikula dahil ‘babaeng bakla’ kung tawagin din siya.
“’Pag naririnig ko ‘yung salitang “babaeng bakla” parang mas nakatatawa siya sa bakla, kasi parang dalawang tao ‘yung sinasabi mo roon sa isang tao, ‘di ba?
“Pero marami ang nagsasabi sa akin na ganoon ako, siguro dahil sa personal kong buhay talaga, hindi ako ma-emote. Kung mag-i-emote man ako, sa akin lang kaya ang dami ko ring kaibigang bakla kahit noong nasa Sampaloc pa ako nakatira. Masaya kasama ang mga bakla, siyempre binabansagan akong ‘babaeng bakla,’ tanggap ko naman po ‘yun. Masayang-masaya po ako sa title na ‘yan. Ha!ha!ha!,” deklara ni Angeline.
May ilusyon din si Angeline na maging Best Actress kaya ratsada siya ngayon sa paggawa ng pelikula kahit isang indie film ay gusto rin niyang patulan. Hindi naman masamang mangarap. Pero, hindi rin niya isasantabi ang pagkanta.
TALBOG – Roldan Castro
