HATAW! D'yaryo ng Bayan hatawtabloid.com
NAGBABALA si Pangulong Rodrigo Duterte kay Chief Justice Ma. Lourdes Sereno na huwag lumikhan ng constitutional crisis kaugnay sa anti-illegal drugs campaign ng kanyang administrasyon at baka mapilitan siyang magdeklara ng martial law.
Buwelta ito ni Duterte kay Sereno makaraan atasan ng Chief Justice ang tinaguriang narco-judges na huwag sumuko sa mga awtoridad.
Ani Duterte, “Do not create a constitutional crisis or I’ll order everybody in the executive not to honor you. Would you want me to declare martial law?”
Iginiit niyang may talamak na patayan na nagaganap sa bansa dahil pinabayaan ng administrasyong nagtalaga kay Sereno sa SC, ang problema sa illegal drugs.
Ayon sa Pangulo, lalong lalala ang kriminalidad kapag hinintay pa ng mga awtoridad na maglabas ng warrant of arrest laban sa 600,000 drug addicts.
Umaabot aniya sa dalawa hanggang tatlong buwan bago makapaglabas ng warant of arrest sa laban sa isang kriminal kaya isipin na lang kung gaano katagal ang sa 600,000 drug addicts na niluto na ng shabu ang utak kaya naging kriminal na.
Inihalimbawa rin niya kung gaano katagal umusad ang kaso bago mapasyahan ng korte hanggang sa umabot sa Korte Suprema.
“Sa SC tell me what is the fastest decision you make on criminal cases? It’s not strange to us sabihin after 10 years na-convict yun, now you’ re asking for warrant for 600K Filipinos in the meantime ang bangag, ano gawin mo? Let them stay there to resume their crminal activity?” pahayag pa ng Pangulo.
ni ROSE NOVENARIO
