HATAW! D'yaryo ng Bayan hatawtabloid.com
NAGULAT si Barbie Forteza nang malaman niyang in-unfollow siya sa Twitter ng ka-loveteam niyang si Andre Paras.
Clueless daw siya kung bakit ginawa ‘yun ni Andre. Ang pagkakaalam naman daw niya ay okey silang dalawa. Isa pa nga raw si Andre sa naging special guests niya noong i-celebrate niya ang birthday sa show nilang Sunday Pinasaya.
At nagkasama pa raw sila sa taping ng isang gag show.
Noong una raw na nalaman niya thru their fans, na tinanong siya ng mga ito kung bakit hindi na siya pina-follow ni Andre sa Twitter ay hindi raw siya naniwala.
Hanggang tsinek nga raw niya ang kanyang Twitter account at nalaman niya hindi na nga siya pina-follow ng binata ni Benjie Paras.
Gayunman, kahit hindi na siya pina-follow ni Andre ay wala raw balak si Barbie na i-unfollow din ang Twitter account nito.
May balitang boyfriend na ni Barbie si Kiko Estrada. Hindi kaya ito ang dahilan? Baka naman noon pa may pagtingin si Andre kay Barbie at nasaktan siya nang malaman na may minamahal na ang ka-loveteam.
MA at PA – Rommel Placente
