HATAW! D'yaryo ng Bayan hatawtabloid.com
ISA lang si Alden Richards sa mga artistang may pagpapahalaga sa press. Tumatanaw siya ng ulang na loob sa mga ito na nakatulong sa kanyang career mula noong nag-uumpisa pa lamang siya sa showbiz hanggang ngayon na sikat na sikat na siya.
Kaya bilang pasasalamat, nagbigay siya ng thanksgiving party cum presscon na ginanap noong isang araw. Ang lahat ng invited press, isa na kami roon, ay binigyan niya ng mga produkto na ini-endorse niya at napakarami niyon huh!
Kaya naman umuwi kaming lahat na may ngiti sa aming mga labi.
Kinuha namin ang reaksiyon ni Alden tungkol sa ilang fans nila ni Maine Mendoza na nagtatampo sa kanya dahil pumunta siya sa birthday party ni Cristy Fermin.
Inilaglag daw niya si Maine. Dapat daw ay hindi siya pumunta roon dahil lagi raw nagsusulat si Tita Cristy ng negative kay Maine.
Ayon sa paliwanag ni Alden, ginawa niya raw ‘yun bilang bahagi ng PR niya o pakikisama since isa rin daw si Tita Cristy sa member ng press. At sana raw ay naiintindihan siya ng kanilang fans. Huwag na raw sanang magtampo sa kanya ang mga ito.
Ibinalita naman ni Alden na magkakaroon na uli siya ng album at may gagawin silang serye ni Maine.
ni ROMMEL PLACENTE
